فين اللغز ؟؟؟
=صباح الخير
-اهلا
=ايه مالك كدا مخنوق
- ولا حاجة في افكار كتير في دماغي ومش عارف اعمل ايه وحاسس اني متلغبط اوووي وبجد تعبت من التفكير😫
=ايه كل دا بس
-مش عارف مش عارف بجد، انا في مليون حاجة عاوز اعملها وأفكار كتير ورايا ومش عارف اظبط الدنيا ،حاسس ان الدنيا سلطة في دماغي
=ايه سلطة ؟
-في ايه، سلطة ،متلغبط جامد يعني
=...
- ايه سكت ليه بتفكري في ايه🙂
=سلطة ، غريبة اووي السلطة دي
-هو انا قولت حاجة غلط طيب ؟ 🙂
=مش جعان ، طب والله لاعملك شوية سلطات انما ايه
- اس.. استني طيب انا مقولتش عاوز اكل
هو في ايه ؟ مالها دي ؟ انا بقولها مخنوق ومتلغبط تقولي اعملك سلطة 😕
***************
☆ تسكت بقى لا
دماغها فضلت تودي وتجيب وتفكر
هي عاوزة تحل مشكلة افكارو الكتير وانوا مخنوق ، وفي نفس الوقت كلمة سلطة اللي اتقالت بشكل عفوي عمالة تروح و تيجي في دماغها بطريقة غريبة
فقالت تعمل سلطة ويمكن تفهم المغذى من كل دا
▪قامت دخلت المطبخ وبدأت تجهز الحاجات الكتير اوي اللي هتستخدمها في السلطة
(خل، سوائل، مشروم ، طماطم، خضار ، فراخ ، زيت زيتون ، توابل ، توم ، بصل ، كافيار...الخ)
سلطات بقى وكدا فبتبقى مكونات كتير اووي
▪ المهم حضرت حوالي 8 انواع سلطة
(سلطة مشروم وجرجير ،سلطة كافيار ، سلطة باذنجان مشوي ، سلطة خضار بالمايونيز، سلطة افوكادو ....الخ)
.jpeg)
¤¤》ييجي حد يقولي يعني انتي جيباني هنا علشان تعرفيني انواع السلطة وبتتعمل ازاي والرغي اللي ملوش أي لزمة دا 😒
* الاكيد ان انا مش جيباكم اقولكم الكلام الفاضي دا
في مغزى كبير ورا السلطة دي
دا اللي انا جاية اقولهولك
دا اللي هنعرفوا بعد شوية وبعد تفكير عميق
مهو اصل اكيد مش هنوصل للمغزى بسهولة كدا؟؟
ولا انتوا ايه رايكم ؟
☆ استنى الجزء التاني :
افهمك فيه الحكاية ونشوف ايه المغزى
بس لازم انت كمان تفكر معايا وتشوف فين المغزى من طبق سلطة عادي جدا بتحب تكمل بيه الوجبة بتاعتك وتستمتع بطعموا ؟؟؟
" Rooh-روح "
حتى نُحيي ارواحُنا🧡✨
سيكولوجيثت. رحمة ياسر محمود ميهوب
Psy. Rahma Yasser Mahmoud Maihoub
"طالبة بالفرقة الأولى علم نفس اكلينيك جامعة بني سويف "