👩💻--> جيالك انهاردة بحاجة جامدة جدا
🙎♀️--> ابهريني اي هي ؟
👩💻-->"قوتنا الخارقة"
🙎♀️ --> تطلع أيه قوتنا الخارقة دي ؟اي دا هو احنا عندنا قوة خارقة اصلا !!
دا انا اخر مرة سمعت عنها كان في سبايدرمان.
👩💻--> بس انا جاية اقولك ان مش بس سبايدرمان هو اللي عندوا قوة خارقة
احنا كلنا عندنا قوة خارقة، لا وكمان اقوى من سبايدرمان نفسوا.
🙎♀️--> طب ازاي دا بس ،عاوزة تفهمينا اننا اقوى من سبايدرمان ؟
لا لا قولي كلام غير دا .
👩💻--> استنا بس
مينفعش تستهون بقدرتك كإنسان انت عندك قوة خارقة عظيمة جدا انت مش عارف تستخدمها ولا تسيطر عليها
واحب اقولك ان قوتك الخارقة دي هي دماغك
وانا بصراحة ملقتش وصف افضل من "القوة الخارقة" عشان اوصفلك بيه "دماغك"
🙎♀️--> مش فاهم برضوا اي المغزى في انك تقولي على دماغي قوة خارقة وضحيلي بس ؟
وايه اللي دخل سبايدرمان في الموضوع ؟
انا مش فاهم حاجة 🤦♀️
👩💻--> براحة بس ،حالا افهمك كل حاجة
طبعا كلنا اتربينا على أسطورة " سبايدرمان" اللي بيكسر الدنيا ومفيش منوا وبينقذ الناس وبيعمل كل حاجة احنا مش بنقدر
نعملها وبقينا شايفينوا عندوا قوة خارقة ومفيش منوا
بس زي ما هو عندوا قوة خارقة انت كمان عندك قوة خارقة مش واخد بالك منها
لان باختصار شديد واللي انت مش واخد بالك منوا ان القوة الخارقة دي أساس نجاح اي حاجة في الدنيا
لأنها بتدينا ديما دافع اننا نتحرك ونحقق أهدافنا ويكون عندنا إرادة جامدة جدا وذكاء
وعشان هي أساس النجاح ف سبايدرمان بقى قوي جدا
لانوا كان ديما بيركز انوا يطور ويعزز من قوتوا الخارقة.
وانت كمان تقدر تبقى سبايدرمان.
🙎♀️--> انا حاسس اني بدأت افهمك جدا علفكرة
كملي كملي ، هبقى سبايدرمان ازاي
👩💻--> كويس جدا
ركز معايا بقى عشان اقولك ازاي تبقى سبايدرمان بدون روت.
🙎♀️--> ها قولي بسرعة
👩💻--> كل اللي هتعملوا انك هتركز وتطور من قوتك الخارقة زي ما سبايدرمان عمل
🙎♀️--> يا ما شاء الله جبتي التايهه
يعني اعمل اي دلوقت
👩💻 --> اسمعنى بقى متفصلنيش
القوة الخارقة بتاعتك هي دماغك
اللي انت متعرفوش ان دماغك دا حاجة معقدة اووي
اصل هو اللي بتتحكم في عقلك وجسمك
متعرفش كمان ان فرصة نجاح زراعة القلب أعلى بكتير جدا من فرصة نجاح زراعة الدماغ
تفهم من دا ان الدماغ اللي موجود في راسي وراسك هو دا اللي هيفضل معانا طول حياتنا وهو دا القوة الخارقة بتاعتك
لكن للاسف انت مش بتستغل دماغك في انك تاخد منوا القوة الخارقة عشان تبقى اقوى من سبايدرمان
🙎♀️--> طب ازاي طيب يبقى عندى قوة خارقة من دماغي دا
👩💻--> هفهمك كل حاجة
علشان دماغك يتحول لقوة خارقة
انت محتاج تفهم دماغك بتشتغل ازاي
خليني اقولك ان في خاصية عجيبة جدا في دماغنا اسمها "المرونة العصبية Neuroplasticity"
🙎♀️--> تطلع اي المرونة العصبية دي ؟
👩💻--> المرونة دي هي القدرة بتاع دماغنا اللي بتخليه يكون ويقوي الروابط بين الخلايا العصبية
وهي اصلا بتقوى اكتر بسبب وجود " مادة الmyelin "
🙎♀️--> يطلع اي الmyelin دا كمان
👩💻--> دي اللي بيخلي العلاقة والإشارات بين الروابط العصبية اسرع
المهم كل ما الروابط دي ازدادت قوتها كل ما ..
🙎♀️--> انا برضوا عايز افهم انا اي علاقتي بكل دا دلوقت
انا مقولتش اني عاوز اكون عالم بيولوجي انا عاوز اكون سبايدرمان
👩💻--> لو تسبني اكمل كلامي وتبطل تقاطعني
المهم بعد كل كلامي دا عاوزة اقولك ان كل ما الروابط دي ما بقيت اقوى كل ما اتمكنا من مهارة جديدة وبقينا عندنا قوة خارقة فيها
يعني مثلا انت لما كنت طفل برئ بتتعلم المشي ؛ بتبدا تمشي وتقع وتقوم وتبدأ الروابط العصبية تساعدك على كدا لحد ما تبقى اقوى وتمشي طبيعي جدا بدون حتى ما تاخد بالك ونفس الشئ في الذاكرة وحل المشكلات وبالتكرار بتكون المسارات دي جزء من حياتنا فبتبدأ تعملها من غير ما تحس
🙎♀️-->حاليا انا بدات افهمك جدا
عاوزة تفهميني انها هتكون الأول ببداية التعلم وبعدين بالتكرار هتقوى صح كدا
👩💻--> ممتاز جدا ،انت كدا فهمتني صح
خليني بقى اديلك كام تركاية كدا يساعدوك اكتر
هما عبارة عن شوية سلوكيات وعادات لو ركزت عليهم هتساعد ان الروابط تبقى اقوى
وبالتالي دماغك يبقى اقوى فتصبح سبايدرمان الخارق.
🙎♀️-->ايوة انا مستني الحتة دي من بدري .
👩💻--> ركز معايا بقى
🙎♀️--> ركزت اهو
👩💻-->اول عادة وسلوك اقدر اقولك عليه عشان تبقى خارق بجد هو (التعلم)
التعلم وليس التعليم ' ودا هكلمك فيه مرة تاني '
اشغل مجالات الحياة التانية بعيد عن الدراسة
اتعلم مهارات كتير اوي زي (الرسم ، الطبخ ، البرمجة، التخطيط ،لغة جديدة ' ودا ويرتبط بالذكاء وهكلمك عنوا مرة تانية ' ، حفظ القرآن ...الخ)
🙎♀️--> هستفاد اي لما اتعلم كل دا ؟
👩💻--> طبعا هتستفاد جدا ، انت لما تلاقي نفسك عندك مهارات متعددة
هتقدر انك في اي موقف تعرف تكلم مع دا ودا في مجالوا وتقدر تعمل أشغال مختلفة في مجالات مختلفة
مثلا تصنع الفيديوهات ،لو متعلم مونتاج مش محتاج لشخص آخر يقوم بهذا العمل نيابة عنك
.وخليني اقولك ان :
*تقوية الروابط العصبية ؛ هيساعدك تعبر عن نفسك بشكل أفضل ، ولن تدرك أهميتها إلا بالوقت ومرور الايام *🧡
🙎♀️--> والله من الليلة هشوف انسب مهارة لي وابدأ اتعلمها
👩💻--> ممتاز جدا أيها البطل الخارق ، والله اضمنلك انك بدأت تكون سبايدرمان
🙎♀️--> الله يخليك
♧♧♧♧♧♧♧♧♧♧♧♧♧♧♧♧♧♧♧
👩💻--> تانى عادة اقدر انصحك بيها وهي (التكرار )
الكتاب اللي قراتوا كرروا تاني ، الفيلم اللي فادك اسمعوا تاني ، ارجع بين فترة والتانية
هتلاقي حاجات كتير ولا كأنك عديت عليها قبل كدا
عارف لما تكون متمكن من مهارة معينة أو فنان في مهارة معينة لما تبدأ تتركها هنفضل موجودة لكن هتنساها
لان المسارات العصبية بتبدأ تخف فبالتالي تنسى وتصبح خاملة
طبعا عارفين ان التكرار بيعلم الشطار 😂
* فعليا التكرار يغزي المسارات العصبية اللي تكونت في دماغك ويربط بينها بشكل اقوى *
🙎♀️--> عندك حق فعلا انا كنت بعرف اكتب كويس جدا وقعدت سنة مش بكتب خالص و دلوقت مش بعرف اكتب زي الاول
انا من النهاردة هحاول اصحي موهبة الكتابة من الخمول اللي بقيت فيه دا
👩💻-->انا كدا اضمنلك بجدارة انك بقيت احسن من سبايدرمان
♧♧♧♧♧♧♧♧♧♧♧♧♧♧♧♧♧♧♧
👩💻--> تالت عادة اقدر انصحك بيها هي (الغاية من الحياة)
عشان تبقى خارق وتقوي دماغك فتبقى سبيدرمان لازم يكون عندك غاية في حياتك
الانسان ميقدرش يعيش بدون غاية لازم يكون فيه أهداف واضحة ومرسومة بالمللي
لكن على الأقل في تحديات ديما بتقابلها في مهارة عاوز تتعلمها ،حاجة عاوز تنجزها
هدف عاوز تحققوا انهاردة أو خلال أسبوع أو شهر
وجود الغاية دي معناها انك في المكان الصح أيها الخاارق
لكن انك تصحى تنام تصحى تنام ،كدا انت مش هتبقى لا سبيدرمان ولا الخارق
🙎♀️--> والله انك فوقتيني
انا فعلا محتاج أخطط يوميا واستغل يومي ويكون عندي غاية واطلع بإنتاجية من يومي
♧♧♧♧♧♧♧♧♧♧♧♧♧♧♧♧♧♧♧
👩💻--> رابع عادة اقدر انصحك بيها هي (اللعب)
العب الألعاب اللي تزود الذكاء زي( الشطرنج ، الpuzzle، Brain test...الخ)
🙎♀️--> تصدق انك شخص فاضي ،عاوزني العب
👩💻--> فاضي ايه بس ،مهم جدا تلعب الالعاب دي
لان هي دي اللي بتفرق في تقوية الروابط العصبية بين خلايا دماغك ودماغي
لانك هتستخدم مهارات مش بتستخدمها بالعادي في حياتك اليومية
🙎♀️--> هالحين انا فهمت خلاص
♧♧♧♧♧♧♧♧♧♧♧♧♧♧♧♧♧♧♧
👩💻-->خامس وسادس وسابع عادة اقدر انصحك بيها عزيزي الخارق هي كلمة (رنا )
وتعني (رياضة - نوم - اكل صحى )
"الاكل الصحي"
يفرق لان الاكل بشراهة يدمر الدماغ
وبالتالي الأكلات الصحية تبني الدماغ وبتساعدنا ان احنا نكون أكثر قوة
وفعلا تغذي الدماغ بشكل جيد مثل "مكسرات وسمك و بيض.. وغيره "
وتلاحظ أنني ذكرت اكلات دهنية لان مادةالmyelin الدهنية فمخي ومخك يحب الدهون الصحية
ضيف لها الأوراق الخضرة زي الخص والجرجير والسبانخ
القهوة والشاي بدون اصراف
"الرياضة"
اما الشئ الذي اتفقت جميع الدراسات ع فوائده للدماغ هي الرياضة
لما نقول رياضة نتكلم عن هرمونات السعادة و هرمونات التي تحسن القدرات التعليمية والتفكيرية والذاكرة عند صغار وكبار
. قبل ما تقوى أجسامنا بيكون تأثيرها على الدماغ أكثر .
"النوم"
تأثيره ع الذاكرة عظيم
وفي مقولة شهيرة بتقول "ظبط نومك، يظبط يومك "
*دائما نقطة البداية في نومك *
تنام ٨ ساعات يعني باقي عندك ١٦ ساعة
بقدرتك تتحكم في الأوقات باستثناء بعض الحالات .
🙎♀️: والله الكلام هذا رائع جدا وسأبدأ بتنفيذه كاملا من اليوم
👩💻: وبكدا اقدر اقولك اذا طبقت كل هذا فانت اقوى من سبايدرمان
خطوات بسيطة جدا ستخرج قوتك الخارقة من داخلك لخارجك وتصبح كائن خارق
"وأخيرا ..."
قوي عقلك
أخرج قوتك الخارقة
واجعل العالم ينبهر بك
وكن انت سبايدرمان
" Rooh-روح "
حتى نُحيي ارواحُنا🧡✨
سيكولوجيثت. رحمة ياسر محمود ميهوب
Psy. Rahma Yasser Mahmoud Maihoub
"طالبة بالفرقة الأولى علم نفس اكلينيك جامعة بني سويف "
https://www.facebook.com/profile.php?id=100094108401215&mibextid=ZbWKwL
هينزل عليه اعلان السيشانات والكورسات والفيديوهات
التسميات
تطوير
بجد ملشاء الله اللهم بارك ❤
ردحذفعااش جدا❤
القوة الخارقة 💪🔥
بجد ملشاء الله اللهم بارك ❤
ردحذفعااش جدا❤
القوة الخارقة 💪🔥
بجد ماشاء الله اللهم بارك ❤
ردحذفعااش جدا ❤
القوة الخارقة ❤🔥🔥
بجد ماشاء الله اللهم بارك ❤
ردحذفعااش جدا ❤
القوة الخارقة ❤🔥🔥
اشطر كتكووته اصلاا 😚💜
ردحذفعاش يحبيبي 😚💜
ي رحمه عاش بجد ليكي ول تفوقك ده 🥺🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍
ردحذفاستمري بجد عظمه 🤍🤍🤍🤍🤍🤍🤍🤍🤍🤍🤍🤍
دمتي متفوقه دايما ي حبيبتي
ردحذفدُمتي رائعه ومتميزه❤❤❤❤❤